Video Adaptation of Little Joys of Life on Project Baakha

 

मौसम

बेमौसम आएको झरी झैँ 

तिमी आयौ मेरो जिन्दगीमा 

हुरिले भरेको यो मनलाई 

शान्त फेरि बनाउन 

आफ्नै सोचको आतन्कमा

एक्लै म निसास्सिदा 

चिसो आनन्दको बतासझैँ 

तिमी आयौ मेरो जिन्दगीमा

आफ्नै सहर मलाई अन्जान लाग्दा

कोलाहलमा म आत्तिदा

तिमी आयौ मलाई सम्हाल्न

निर्धक्क मलाई बनाउन

न्यानो घाम पनि ल्यायौ साथमा

इन्द्रेणी भर्न मेरो जिन्दगीमा 

   

 

याद

आज अनायासै तिम्रो याद आयो 

केहि भयो की भनि मन एकैछिन आत्तियो 

के छ हाल बताइदेउ 

केहि खबर बरु सुनाइदेउ 

वर्षौं बिते छ सायद 

सङ्गै हामी नहिदेको 

समय निक्कै बिते छ सायद

चिया पिउदै गफमा हामी रमाएको 

संसार जित्ने आशमा होला सायद

बिच बाटोमा हामी छुट्टेको

की हो मात्रै बाटो हामीले बिराएको

के छ हाल बताइदेउ 

केहि खबर बरु सुनाइदेउ